६ बुलेट ग्याससहित पेट्रोल–डिजेल आयो, सोमबार कहाँबाट कति भित्रियो इन्धन ?

भिडियो हेर्न तलको विज्ञापनलाई हटाउनुहोस

काठमाडौं, मंसिर २८ । भारतसँगका केही सीमानाकाहरु आयात पछिल्लो दिनमा खुकुलो बन्दै गएको छ ।

सोमबार साँझसम्म झापाको काँकड्भिट्टाबाट नाकाबाट ११ ट्यांकर डिजेल, ३ ट्यांकर पेट्रोल, १ हवाई इन्धनसहित ६७ ओटा मालबाहक गाडी नेपाल भित्रिएका छन् ।

यस्तै विराटनगर–जोगबनी नाकाबाट सोमबार दिनभरमा १७ ट्यांकर डिजेल, ७ ट्यांकर पेट्रोल, २ ट्रकऔषधिसहित १ सय ६६ मालबाहक गाडी नेपाल प्रवेश गरेको सीमा प्रहरी कार्यालयले जनाएको छ ।

भैरहवा–सुनौली नाकाबाट भने सोमबार इन्धनबाहेकका मालबाहक गाडी मात्र नेपाल भित्रिए ।

यस्तै, नेपालगन्ज–रुपैडिहा नाकाबाट सोमबार साँझसम्म ६ बुलेट ग्याससहित ६० ओटा मालबाहक गाडी नेपाल भित्रिए ।

धनगढीको गौरीफन्टा नाकाबाट बिना अवरोध गाडी नेपाल भित्रिरहेका जनाइएको छ ।

वीरगन्ज–रक्सौल नाका भने अझै सन्चालनमा आउन सकेको छैन ।

भिडियो हेर्न तलको विज्ञापनलाई हटाउनुहोस