भिडियो हेर्न तलको विज्ञापनलाई हटाउनुहोस
 |
लमजुङ, पुस ५ । हिमाली जिल्लाहरुमा अत्याधिक चिसो बढेसँगै बजारमा सर्वसाधारणको उपस्थिति पातलिएको छ । मनाङ, हुम्ला, जुम्ला, मुस्ताङलगायतका जिल्लामा तापक्रम माइनस ७ डिग्रीभन्दा तल झरेसँगै सर्वसाधारणको दैनिकी कष्टकर बनेको हो ।
खप्नै नसक्ने चिसो बढेपछि विद्यालय बन्द गरिएका छन् भने सरकारी कार्यालयका कामसमेत प्रभावित बनेको
छ । मनाङमा भने तापक्रम माइनस ११ डिग्रीबाट पनि ओरालो लागेको छ ।अत्याधिक चिसोले गर्दा जनजीवन नराम्ररी प्रभावित बनेको छ । दिउँसो माइनस ७ डिग्री र राति माइनस ११ डिग्रीसम्म पुग्ने गरेको प्रमुख जिल्ला अधिकारी भीमकान्त शर्माले जानकारी दिए ।
यस्तै जुम्ला र मुस्ताङमा भने माइनस ७ र हुम्लामा माइनस ९ डिग्रीसम्म पारो ओर्लिएको छ । दिनमा भने तीनै जिल्लामा ८ डिग्रीसम्म तापक्रम पुग्ने गरेको हाम्रा जिल्ला संवाददाताहरुले जनाएका छन् ।
चिसोले बाहिर निस्कन नसकेपछि सर्वसाधारण घरभित्रै आगो तापेर बस्ने गरेका छन् । अत्याधिक चिसोले राति खोला र धारामा समेत पानी जम्ने गरेको छ । दिउँसो तातेपछि मात्र बग्ने गरेको छ । पानी जम्दा स्थानीयलाई सबैभन्दा बढी समस्या खानेपानीमा परेको छ । धारामा आउने पानी नै जमेपछि पानीको लागि घाम कुर्नुपर्ने बाध्यता छ ।
भिडियो हेर्न तलको विज्ञापनलाई हटाउनुहोस
|
0 comments:
Post a Comment