कैलालीमा खाल्डोभित्र बालकको शव फेला

भिडियो हेर्न तलको विज्ञापनलाई हटाउनुहोस

मंसिर २८, कैलालीको चौमरामा खाल्डोमा पुरिएको अवस्थामा एक बालकको शव फेला परेको छ । चौमरा बजारमा सोही गाविस ३ बस्ने व्यापारी जनकराज जोशीको ९ वर्षीय छोरा तिलक जोशीको हत्या गरि खाल्डोमा पुरिएको अवस्थामा उक्त शव फेला परेको हो ।


तिलकलाई आइतबार बेलुका हत्या गरि खाल्डोमा पुरिएको अवस्थामा फेला पारेको प्रहरीले जनाएको छ । आइतबार बिहान स्कुल गएका तिलक साँझ घर फर्की खेल्न बाहिर गएको बेलामा उनको हत्या भएको हुन सक्ने प्रहरीको भनाइ छ । उनि मोहन्याल बोर्डिङ स्कुलमा ३ कक्षामा पढ्थे ।

चौमला बजारमै घर भएका तिलकले स्कुलबाट पर्केर नजिकैको होटलमा खाजा खाई पसलमा रहेका बुबालाई पनि खाजा ल्याएर दिएका थिए । खाजा खाई सकेपछि पसलबाट खेल्न निस्केका उनि साँझसम्म पनि घर नआउँदा बेलुका ६ बजेबाट उनको खोजी गरेको मृतकका बुबा जनकराजले बताएका छन् ।

बेलुका ८ बजेतिर बजारको पछाडी माटोले पुरिएको अवस्थामा बालकको शव फेला पारिएको मृतकको बुबा जोशीले बताए । बालकको घाँटीमा निलडाम रहेकाले उनलार्ई घाँटी च्यापेर हत्या गरि खाल्डोमा पुरिएको हुन सक्ने आशंका गरिएको छ

भिडियो हेर्न तलको विज्ञापनलाई हटाउनुहोस